Halló!

Ég er ekki karlremba. Ég er nær því að vera rauðsokki en karlremba. Kannski ætti ég samt að sleppa því að nota svona orð því þau eru hlaðin öfgafullum merkingarauka. Segjum bara að ég hugsi með heilanum og með þeirri heilasellu sem virkar sæmilega... þó ég segi sjálfur frá.

Í fréttunum um daginn var greint frá því að launamunur kynjanna væri mun meiri úti á landi en í Rvík. Launamunurinn á landsbyggðinni mældist um 30% en 10% í Rvík ef ég man rétt. Allt í lagi - fréttin hélt áfram og ég vonaðist eftir skýringu á þessu eða nánari umfjöllun. Tekið var viðtal við einhverja konu sem bar e-hvern jafnréttistitil; ,,Já sko það sem skýrir þetta helst er það að það eru fleiri sjómenn úti á landi og svo vinna karlmenn meiri yfirvinnu...". FLEIRI SJÓMENN OG MEIRI YFIRVINNA! UUUUUUUUUUUUUUUUUUUUUUUUUU.....JÁ! Sjómenn eru almennt með allgóð laun. En konur geta líka orðið sjómenn, veit ekki betur. SÆKIÐ ÞÁ UM PLÁSS! 

Og meiri yfirvinna?? VINNIÐ ÞÁ MEIRI YFIRVINNU ANDSKOTINN HAFI ÞAÐ! 

Þetta er ein mesta ekki-frétt og vitleysa sem ég hef heyrt lengi! Þetta er nú meiri andskotans vitleysan! Ég vil benda sérstaklega á að ég er ekki að gagnrýna kvenfólk almennt með þessu. Ef þú átt 1,2,3 eða helling af börnum þá er það bara þannig að kvenfólkið vinnur síður mikla yfirvinnu...og sækir líka síður sjóinn ef út í það er farið. Karlmennirnir eru ekki með brjóst og gegna oft stærra hlutverki en konan sem fyrirvinna heimilisins.

En...eigum við ekki bara að setja kynjakvóta á yfirvinnu og sjómenn!?? Annar hver yfirvinnutími VERÐUR kvenmaður að inna af hendi! Annar hver sjómaður SKAL vera kvenmaður! EHEHEHEH.....snilld!

Bless!

Halló!

Fyrir ekki svo löngu síðan höfðu sumir umtalsverðar áhyggjur af brotthvarfi Bandaríkjahers frá Íslandi. Sumir lögðu mikla áherslu á að Bna menn hefðu áfram 4 herþotur á landinu. Hehe! FJÓRAR herþotur! Menn ræddu um það, grafalvarlegir, í Kastjósi og víðar hversu mikilvægt það væri.

Þetta fannst mér alltaf alveg drepfyndið...og finnst enn. Þetta er eins og að leggja ríka áherslu á það að fara alls ekki út úr húsi í miklu frosti nema maður sé í nærbuxum...og með bindi kannski líka.

Nú er búið að toppa þennan brandara og er orðinn svo súr að hann er næstum því ekki fyndinn lengur - og þó! Nú erum við með fjórar herþotur á landinu STUNDUM! HEhehehehe... og vel auglýst, kemur í fréttunum bara...,,Fjórar herþotur á landinu næstu vikuna!" Fjórar herþotur í svona viku annan hvern mánuð kannski...HEHEHEH.

Þegar einhverjum dettur í hug að gera innrás þurfa þeir bara að kíkja aðeins á fréttirnar og geta valið um tvennt: 1. Smá ,,challenge" og byrja á því að skjóta niður heilar fjórar herþotur svona í gríni + Víkingasveitin 2. eða bara hakka Víkingasveitina í rólegheitum.

SNILLD

Ætli þurfi ekki svona 1/10 úr hersveit til að klára dæmið...hugsa það.

NEI, ágætu lesendur. Við verðum bara að treysta á það að enginn nenni að troðast hingað og eins og staðan er núna erum við nú kannski bara nokkuð ,,save".

Bless!

Halló!

Úff. Ég biðst afsökunar á þessari ótrúlega hugmyndaríku fyrirsögn. Eina bloggið með þessari fyrirsögn síðustu vikur? Sennilega ekki...
 
Geir Harði neitar að segja af sér. Hann virðist vera á þeirri skoðun að enginn þurfi þess. Hann segir að enginn einn beri ábyrgð á þessu. Ég verð að segja að það er hárrétt hjá honum. Allir geta verið sammála um það.

EN flestir eru líka sammála um það að þónokkrir menn beri ábyrgðina að hluta. Hvað ber Geir mikla ábyrgð í prósentum? 5%? 3,444% Meira eða minna? Hvað um Dabba krull? 2,55% Seðlabankaábyrgð og 3,4% stjórnmálaábyrgð??

Allir sjá að þessi pæling er fáránleg. Persónuleg ábyrgð í prósentum er þvæla. En hvað með þessa skiptingu, Seðlabankaábyrgð, stjórnmálaábyrgð...? Ég held að hún sé nefnilega ekki svo vitlaus. Ég held nefnilega að líta beri á ábyrgðina ópersónulega - þ.e. sem stjórnmálalega (og þá e.t.v. ,,hugmyndafræðilega"). Sjálfstæðisflokkurinn ber ábyrgð á einkavæðingu bankanna og á lagarammanum í kringum útrásarævintýrið (ásamt B-urunum). Sjálfstæðisflokkurinn er við völd og Á AÐ LÁTA AF VÖLDUM! Geir á að sjá hag sínum og flokksins best borgið með því. AXLA ÁBYRGÐ. Hún þarf ekki og ætti e.v.t. ekki að vera persónuleg - enda Geir tiltölulega nýr formaður Sjálfstæðisflokksins.

Fólk segir ,,burt með Geir", eðlilega kannski, en meinar í rauninni ,,burt með Sjálfstæðisflokkinn, hans ákvarðanir, stefnu og mistök". 

Dabbi krull ætti svo að segja af sér sem fyrrum stjórnmálamaður og núverandi Seðlabankastjóri. Ekki sem einstaklingurinn Davíð heldur stjórnmálamaðurinn og peningamálastjórnarmaður í Seðlabankanum. Fleiri mættu e.t.v. segja af sér en ætla ekki að ræða það frekar.

Þessir menn bera ekki einir ábyrgðina og óþarfi að persónugera ábyrgðina. Tengslin eða mörkin eru þó óljós en ekki endilega neikvæð - benda má á að Geir og Dabbi munu eða hefðu notið hylli margra með því að bera ábyrgð. Ég held að þeir séu að gera mistök. Ekki alltaf gott að vera svona þver.

Bless!

Halló!

Guð minn góður! Vá! ERTEKKI AÐ GRÍNAST!!!!!!!!!!???????????????????

Valgerður Sverrisdóttir hélt því fram á framsóknarþinginu að það væri EKKI og EKKERT framsóknarflokknum að kenna að ástandið skyldi vera svona! HAAAAAAAAA?????? Bíddu var þessi kelling ekki einmitt bankamálaráðherra eða einhver andskotinn EINMITT ÞEGAR BANKAKERFIÐ VAR EINKAVÆTT!!!!!???? Vinstri menn VÖRUÐU við því og hvað vorum við vinstri menn þá kallaðir?? ÚRTÖLUMENN! NEI-MENN! HELVÍTIS VÆLUKJÓAR! Framsóknarmenn létu teyma sig áfram eins og barin tík af sjálfstæðisflokknum og þóttu það gott...vegna þess að þá fengu þeir BEIN! Djöfulsins hálfviti!

Og er þessi kelling ekki einmitt ein af þessum spillingaröflum sem hafa vaðið uppi? Eru menn búnir að gleyma því að tengdadóttir hennar (eða cirka það) fékk ríkisborgararétt á ÖRFÁUM DÖGUM! Það tekur mörg ár fyrir flesta! TILVILJUN? HA! NEI!

HÁLFVITI VALGERÐUR! SIÐBLINDUR VITLEYSINGUR!

Bless!

Halló!

Ekki nenni ég að halda langa ræðu um kreppuna. Mig langaði bara að koma á framfæri spádómi: Sjálfstæðisflokkurinn mun enda með 30% fylgi lágmark í næstu kosningum.

Það er reyndar ekki svo mikill spádómur kannski. Flokkurinn var með 25% í síðustu könnun. EN ÞAÐ ER ALVEG ÓTRÚEGT!

Og það mun verða alveg ótrúlegt að sjá Sjálfstæðisflokkinn fá 30% í næstu kosningum.

Ég nenni ekki heldur að færa rök fyrir þessari skoðun minni. ÞARF ÉG ÞESS?? Á þessum tíma?

Ég bið bara þessi 30% að opna á sér augun og kjósa Kónginn. Það er svarið. 

Auk þess legg ég til að Ísraelsríki verði lagt í rúst.

Bless!

Halló!

Endalaust af klámi og ofbeldi! Ókeypis! Gríðargott.

Enga feimni.

Hah. Hér er ég að gera mjög athyglisverða sálfræði- og mannfræðirannsókn. Samkvæmt rannsóknum er netið notað í 70% tilfella til að nálgast klám eða ofbeldi. Samkvæmt því ætti ég að fá óvenju margar heimsóknir á síðuna núna.

Það er svolítið kjánalegt, en verður sennilega staðreynd, að enn fleiri, og mun fleiri, munu lesa (eða byrja að lesa) þennan pistil en aðra glæsilega og háfleyga pistla sem hér hafa birst!

Athyglisvert!

Ég bið alla sem villast hingað inn að skilja eftir sig athugasemd. Hún gæti hljómað t.d. eitthvað á þessa leið: ,,ha, þarna náðir þú mér"! eða eitthvað svoleiðis..

 Auk þess legg ég til að Ísraelsríki verði lagt í rúst.

Bless!

Halló!

Eins og hjarta Borgnesinga man yfirgaf Þorsteinn liðsfélaga sína í basli. Hann hafði ekki karakter til þess að takast á við ástandið með liðsfélögum sínum.

Hann gekk til liðs við Breiðablik nú á dögunum og Skallar fengu einmitt Blika í heimsókn í kvöld. Ekki hafa Skallar enn fengið sína menn (sem eru þónokkrir!) úr meiðslum og liðið vængbrotið eins og það er alltaf orðað. Steini hefur hugsað sér gott til glóðarinnar að ganga til liðs við hugsanlegt spútniklið tímabilsins (jájá hann var þarna áður eða eitthvað..skiptir ekki máli). Ekki slæmt að byrja svo á því að sækja auðveldan sigur í Borgarnes.

EN ÞIÐ TÖPUÐUÐ! Ha! AULI ÞORSTEINN!

Kaldhæðni örlaganna mundi einhver segja...

Bless!

Halló!

 Ég hef oft velt því upp í skrifum mínum hvort ég mögulega megi bera höfuðið, a.m.k. að einhverju leyti, hærra en sauðsvartur almúgi landsins. Eins og ég bendi alltaf réttilega á dreg ég slíkar hugleiðingar ávallt harkalega til baka í höfði mínu, svona þegar ég kem niður úr geðhæðinni. Stundum er það eitthvað ákveðið atvik sem dregur mig hratt og örugglega úr geðhæðinni og hugur minn sættir sig við að vera innan meðalkúrfunnar eins og sauðsvartur almúgi landsins.

Eitt slíkt atvik átti sér stað í dag. Ég var að hamast við að telja nafnorð í stuttum texta. Ég taldi einu sinni – fékk út 11. Af samviskusemi, dugnaði og eljusemi taldi ég aftur – og fékk 11. Þetta var helvíti gott hjá mér – hélt ég. Eldsnöggur að finna nokkur nafnorð. Það var eitthvað sem truflaði mig samt…

…og ekki af ástæðulausu. Á einhvern undraverðan hátt tókst heila mínum – óskeikulum og býsna snjöllum – að horfa fram hjá einu nafnorði. Heili minn tók eftir orðinu - en samt ekki. Heilinn endurskilgreindi sjálfan sig á sléttri sekúndu – skeikull og meðalsnjall. Sjálfhæfnismat heilans hafði s.s. lækkað úr einkunninni býsna snjall í meðalsnjall. Svekkelsi. Úr geðhæð í kaldur raunveruleiki.

Þetta er athyglisvert orð og flækist fyrir sauðsvörtum almúga landsins lítið eitt (t.d. mér) vegna þess að það er svo gott sem ekkert notað nema í þágufalli. Orðið er ekki til í fleirtölu.

Laum – laum – laumi – laums

Þó e.t.v. gaman að útbúa fleirtölumynd:

Án gr.: laum – laum – laumum – lauma

M. gr.: laumin – laumin – laumunum – laumanna.  (sbr. laun).

Að lauma (einhverju til einhvers…) er hins vegar sagnorð og ber að varast að rugla þessum orðum saman, þó skyldleikinn sé augljós. Margir kannast við að hafa spilað spilið ,,laumu” eins og það var kallað. Til er kvk. orðið ,,lauma” en þetta spil hefði s.s. allt eins getað borið nafnið ,,laum”!

Atyglisvert.

Bless!

Viltu spara trilljón?

 

Persónur:

 

- Auðmann Davíðsson, forstjóri í íslenska fjölskyldufjármálafyrirtækinu Viltu spara trilljón?Auðmann er nýlega skriðinn á fertugsaldurinn.

- Gullveig Heiður Halldórsdóttir, kona Auðmanns, formaður stjórnar félagsins og reyndar eina manneskjan sem situr í stjórninni… Gullveig er þrítug.

- Jón, íslenskur verkamaður á sextugsaldri.

- John, sparsamur breskur verkamaður – staddur á Íslandi af óþekkri ástæðu. John er, eins og nafni sinn, á sextugsaldri.

 

- Ytri tími: einhvern tímann árið 2006 þegar allt lék í lyndi.

 

Upphaf: Leikritið hefst þar sem við erum stödd í bílskúr herra Auðmanns í Garðabæ. Fyrir ofan bílskúrinn er glæsilegt 300 fm einbýlishús. Bílskúrnum hefur verið breytt í snotra skrifstofu þar sem herra Auðmann stýrir rekstri fyrirtækisins Viltu spara trilljón?.

 

- Herra Auðmann: Sæll vertu og margblessaður, kæri herra John! Velkominn til okkar hérna í Viltu spara trilljón?! Auðmann Davíðsson (tekur í hönd John)! Jæja, þú sást auglýsinguna okkar á netinu ekki satt..?

- Frú Gullveig Heiður (grípur frammí fyrir manni sínum): Guð minn góður Auðmann minn, á hvorki að bjóða manninum vott né þurrt? Má bjóða þér sérmalað hnetukaffi frá Papúa Nýju Genúu herra John? Gullveig Heiður Halldórsdóttir heiti ég (og réttir fram höndina)!

- John: John Johnson heiti ég (og heilsar Gullveigu). Já þakka þér kærlega, það væri svo sem ágætt.. (fær sér sopa og felur grettu) Já, ég sá þessa auglýsingu og mig langaði að spjalla aðeins við fulltrúa fyrirtækisins..maður vill nú ávaxta spariféð sitt vel –

Herra Auðmann (skýtur inní): Jáh.. (smeðjulegt bros fylgir með)

John: - en samt örugglega – það er svo sem ekki eins og við hjónin mölum gull þannig lagað séð…

Herra Auðmann (skýtur inní): Neinei.... (gervisamúðarbros fylgir með)

John: - og fyrst ég var staddur hér á landi ákvað ég bara að kíkja inn fyrir og spjalla svona augliti til auglitis.. það er eitthvað svo mannlegt…

- Herra Auðmann: Já það er nú meira en sjálfsagt herra minn! Við fáum nú ekki mjög oft fólk í heimsókn hingað í fátæklegar vistarverur okkar…fólk er orðið svo klárt á netinu, hah!? Þú veist að við, Íslendingar, eigum heimsmetið í netnotkun??

- John: Jaaa, Íslendingar kunna vel við nýjungar..

- Herra Auðmann: ..Sko það er nú annað en með ykkur Bretana, mér skilst að þið séuð með 28,8 módem enn í notkun.. (hæðnislegt glott fylgir með)

- Frú GH (grípur inní): ..æji við förum nú ekki að segja fólki frá heimsveldinu hvernig nettengingu það eigi að nota! (sendir manni sínum afar grimman svip) Herra John, má ekki bjóða þér hérna sérbakaðar piparkökur, hráefnið sérpantað frá einstöku héraði á Indlandi, man nú ekki alveg hvað það heitir…

 - John: Þakka þér kærlega frú.. (fær sér bita og felur aðra grettu)

- (xxx): óhljóð frá steinsög sem verið er að nota við hellulagningu í götunni berast inn í bílskúrinn

- Auðmann: JÁ, en þú semsagt sást auglýsinguna og…

- John: Það sem vakti áhuga minn var auðvitað vaxtaprósentan…10-prósent. Það er..ja.. gerist varla betra..? (setur upp spurnarsvip hins sauðsvarta almúga sem er ekkert sérstaklega sterkur í stærðfræðinni)

- Auðmann (með græðgissmeðjusvip): Það er hárrétt athugað hjá þér! Í rauninni skil ég ekkert í því að fleiri þínir líkar skyldu ekki vera löngu búnir að hoppa á þetta! Við erum semsagt að bjóða hérna 10-prósent vexti með viðbótargreiðslum í hliðarsjóð og með uppbótar og kjarabótar viðbót ef upphæðin fer yfir vissa upphæð mánaðarlega OG svo bjóðum við…

- John: Já 10-prósent vexti…það er …sko við konan erum nú, eins og ég sagði ekkert hátekjufólk, við höfum nú nurlað saman einhverjum 700 þúsund krónum…

- Auðmann: Já..ég ætlaði að bæta við að ef innistæðan fer yfir 10 milljónir króna bjóðum við þeim viðskiptavinum upp á Draumóraviðbótarframlagskerfið! Það virkar þannig að …

- (xxx): steinsögin vælir…

- John: - Já það er nú kannski ekki upphæð sem við sjáum alveg á næstunni þó það væri auðvitað kannski (gaman)…ja maður hefur nú heyrt að menn verði nú bara vitlausir af því að eiga of mikið af peningum. Segir ekki í Eddukvæðunum ykkar einmitt að margur verði af aurum api?

- Auðmann: Ha..aurum afi..? Hvað meinar þú eiginlega?

- John: Nei, api - Eddukvæðin ykkar, í Hávamálum..? Eða mig minnir að það hafi örugglega verið..

- Frú GH: Já jújú herra John, ég held þú hafir hárrétt fyrir þér! Maður þarf nú að muna hvað skiptir máli í lífinu! Það þýðir ekkert að ana hlaupandi að feigðarljósi!

- John: Já einmitt…en maður vill auðvitað samt ávaxta spariféð sitt..

- (xxx): hljóðið frá steinsöginni hefur færst nær og  truflar John

- Auðmann: bölvaður hávaði er þetta!…já akkúrat, ávaxta féð – það er nú málið! En sem sagt þó svo þú komist ekki alveg á næstunni í Draumóraviðbótarframlagskerfið þá er SKÝR og AUGLJÓS munur á ávöxtun hjá okkur og öðrum fyrirtækjum! 10-prósent er auðvitað mjög glæsilega boðið!

- John: Já það er rétt, augljós og klár munur! En ég var nú reyndar að velta fyrir mér einu…

- Auðmann: Já endilega spyrðu að vild herra John!

- John: ..já ég var að velta fyrir mér hvaða tryggingu þið hafið?

- Auðmann: Tryggingu…? (með skilningsvana sauðssvip)

- John: Já ég á við sko…öryggi fyrir því að peningarnir glatist ekki…

- Auðmann: (setur upp gerviumhyggjubros og missir smá heh út úr sér) Já, þú meinar ef fyrirtækið fer á hausinn!!! Ja, það er nú ekki að spyrja að íhaldsseminni í ykkur Bretunum, það …

- Frú GH: ..hvaða vitleysa er þetta í þér Auðmann minn auðvitað vill maðurinn fá allar upplýsingar! Þau hjónakornin eru búin að nurla saman þónokkrum krónum með vinnusemi og dugnaði og ..og eljusemi og vill hafa fjármuni sína örugga! (þau horfast í augu og Auðmann setur upp afsökunarglott) Má ekki endilega bjóða þér meira kaffi og kökur, herra John (og brosir hringinn)! Þær borða sig ekki sjálfar!

- John: Ha, jú endilega… (og reynir að fela skelfingarsvip..)

 - (xxx): steinsögin vælir…

- Auðmann: Hávaði er þetta… Já, kæri John! Sko, ég veit nú ekki hvað þú skilur mikið af þessu sem ég ætla að benda þér á en…eiginfjárstaða fyrirtækisins er afar sterk! Ég er nú stoltur af því, þó ég segi sjálfur frá, að samkvæmt uppgjöri síðasta ársfjórðungs var eiginfjárstaða fyrirtækisins..

- John: Já þakka þér fyrir (orðinn örlítið pirraður) – ef ég á að tala alveg hreint út er ég að spyrja hvað muni gerast ef..ja, svo ótrúlega mundi vilja til að fyrirtækið færi..semsagt..

- (xxx): Þessi hálfkláraða spurning hr. John fær á Auðmann og GH. GH lítur upp úr tölvuskjánum sem hún situr fyrir framan. Auðmann setur upp svip eins og hann hafi séð draug, teygir sig að kökudisknum og fær sér eina og grettir sig.

- Auðmann: Jáh, þú meinar það… (Auðmann þurrkar loksins af sér draugasvipinn og setur upp “ég hugsa djúpt og viturlega”-svip – nokkrar sekúndur líða í þögn)

- (xxx): steinsögin vælir…

- Auðmann: (ógurlegur frelsissvipur kemur á Auðmann – eins og Jesú kristur hafi birst honum) Já! Þú meinar það! Ef slík óhugsandi ólíkindi skyldu mögulega eiga sér stað er nú nefnilega ENGIN hætta fyrir dyrum! (Auðmann stendur hægt upp úr stólnum og virðist greinilega hafa fengið stórkostlega hugmynd. Hann labbar fram fyrir skrifborðið -) Ég ætla að útskýra það nákvæmlega fyrir þér, herra John, hvað mun gerast ef slíkur óhugsandi fáránleiki skyldi eiga sér stað! Hinkraðu aðeins.. (- Auðmann bregður sér út um útidyradyrnar John og GH að óvörum. GH rýkur upp úr stólnum í hálfgerðu fáti og hellir meira kaffi í bolla Johns, sem að vísu var hálffullur fyrir – hún sendir afsökunarbros til Johns. Auðmann kemur aftur inn við annan mann.)

- Jón: …ha…kaffi og kökur? Ja jújú þakka þér…það er vissulega ágætt að hvíla bakið aðeins..þessi helvítis sög fer alveg með hann…

- Auðmann: Haha! Já ég trúi því vel vinur – og ekki eru óhljóðin skárri!

- Jón: Já afsakaðu það, ég..það er ekkert verið að setja hljóðkúta á þetta fyrir mann…

- Auðmann: Já elsku kallinn minn við kvörtum nú ekki hérna, ekki stöndum við með þetta í höndunum alla daga! Gullveig mín! Stattu ekki þarna eins og þvara – bjóddu manninum sæti hérna hjá okkur og gefðu honum tíu dropa!

- Frú GH: Ja, jájá..auðvitað! Gjörðu svo vel! (GH drífur sig, enda með ofnæmi fyrir svitalykt) Hvað hérna, hvað ertu að…?

- John: (ræskir sig) já, herra Auðmann ég skil nú ekki alveg.. (og lítur til Jóns)

- Auðmann: Já það er von að þið spyrjið! Afsakaðu þetta herra John, en það er einmitt hann Jón hérna, Jónsson, sem er tryggingin þín! Hann borgar! Ríkið stendur við bakið á manni – vinum mínum í Sjálfstæðisflokknum að þa(kka)…

- Jón: ÉG? Borga…borga hvað??? Er verið að draga mann hingað inn til að borga eitthvað …?!

- GH: Ha, nei, neinei auðvitað ekki! Þetta er nú bara smá misskilningur – viltu ekki fá þér köku, hráefnið sérpantað frá Indlandi!? (Jón fær sér köku með hissasvip)

- Auðmann: Já fyrirgefðu mér Jón ég orðaði þetta ekki nógu skýrt ég ætlaði ekki að koma þér í uppnám (yfirlætislegt glott). Fyrir það fyrsta sagði ég að Ríkið stæði á bak við okkur útrásarvíkingana, hehe, ef ég leyfi mér að flokka sjálfan mig með í þann flokk! Og Ríkið ER auðvitað fólkið, eins og t.d. Jón! (snýr sér að John) Ég hugsa, herra John, þó ég segi sjálfur frá, að ekkert, og þá meina ég EKKERT fjármálafyrirtæki hafi sýnt viðskiptavini sínum jafn mikið svart á hvítu hver trygging hans er – ja eða sýnt hana bara úr holdi og blóði, ef svo má segja..hehehe…!

- Jón: BÍDDU!...

- John: Já..nú jæja..er það tilfellið, stendur ríkið undir…

- Jón: (grípur fram í fyrir nafna sínum, frekar æstur) …BÍDDU ertu að draga mig hingað inn sem einhvers konar tryggingapeningavél eða einhvern and…

- Auðmann: Neinei Jón minn – þú ert bara einn af öllum, þú ert bara einn af Ríkinu! Svo erum við líka að ræða það hérna, við John, að aðeins ef fyrirtækið fer á hausinn, sem er algerlega óhugsandi, þá – og aðeins þá myndi Ríkið tryggja innistæðu manna eins og herra Johns sem ætlar að ávaxta pundið í bókstaflegri merkingu hérna hjá okkur! (brosir að lokum smeðjulega til Johns)

- John: Já, það er nefnilega það..það er bara þannig..

- Jón: (enn svolítið æstur en líka hissa…) Bíddu…en…hvað er í þessu fyrir MIG! Ég man nú ekki eftir að hafa skrifað undir neitt…

- Auðmann: JÁ sko það sem er í þessu fyrir þig (svarar mjög ákveðið) …það …(dregur snögglega niður í honum, virðist vera í vandræðum..) hérna…

- GH: (sér vandræði í uppsiglingu, sér að sinn maður hafði ekki alveg hugsað þetta til enda) JÁ ef ég mætti grípa sko inní, það er nefnilega alveg hellingur Jón minn! Hvaðan heldur þú að brauðmolarnir komi eiginlega, mettandi og lífsbjargandi brauðmolarnir handa sauðsvörtum almúga landsins? Hinum vinnandi…já harðdugmiklu og vinnandi stéttum þjóðfélagsins? Ekki vaxa þeir á trjánum, svo mikið er víst! Það er nefnilega einkaframtakið, hinir fáu sem skara fram úr og reka gróðavænleg og framúrskarandi fyrirtæki, sem leggja til þessa brauðmola! Molarnir streyma fram, nánast í heilum brauðsneiðum, frá fjármálafyrirtækjum þessa dagana til handa þurfandi fólks í samfélaginu! Þannig styðjum við nú hvert annað Jón minn – fólkið í þessu landi! Íslandi okkar fagra!

- Jón: (nú eiginlega meira hissa en reiður) Ha..brauðmolar? Hva…brauðsneiðar? Hva..?

- John: Afsakaðu mig herra Jón, en ég þarf nú eiginleg að fara að drífa mig. Ég ætla í það minnsta að ávaxta fé mitt hjá ykkur, herra Auðmann. Ég get gengið endanlega frá þessu á netinu ekki satt?

- Auðmann: Já, jájá, einmitt fyrirgefðu! Auðvitað getur þú ekki verið hérna í allan dag, ég vildi bara sýna þér þetta svart á hvítu…jújú þú gengur bara frá þessu á netinu! Ekkert mál! (John stendur upp) Vertu blessaður og sæll, þakka kærlega fyrir viðskiptin!

- John: Já þakka þér kærlega! Vertu sæll! (takast í hendur) Vertu blessuð Gullveig, takk kærlega fyrir veitingarnar!

- Gh: Já vertu blessaður og sæll herra John! Takk kærlega fyrir innlitið!

- John: Vertu sæll, Jón, gleður mig að kynnast þér!

- Jón: Já…jájá takk…sömuleiðis (John fer út)

- Jón: Já, en eruð þið ekki að segja að ég þurfi samt kannski að borga eða..?

- Auðmann: Ja…sko en það er óhugsandi…og yrði varla nokkuð…en svona samkvæmt alþjóðalögum þá…Gullveig mín var nú líka að segja þér að…

- Jón: (hristir hausinn, hissa og þreyttur á þessu rugli) Jæja, ég get nú ekki annað sagt en að ég mótmæli því nú harðlega að borga eitthvað fyrir einhvern John eitthvað! Ekki hef ég skrifað undir neitt slíkt. En ég nenni nú ekki að hanga hérna lengur, maður verður að fara að halda áfram við þetta þarna úti…

- Auðmann: Ha, jájá vinur – ég þakka þér nú fyrir innlitið! Gangi þér allt í haginn bara!

- GH: Já gaman að ræða við svona ágætan fulltrúa hinna harðduglegu vinnandi stétta samfélagsins! Gangi þér allt sem best vinur!

- Jón: Ha, já, jájá…þakka þér…blessbless (fer út)

- Auðmann og GH í kór: Já blessbless!

- Auðmann: Jæja! Þá er maður heldur betur búinn að negla þennan! (lítur sigri hrósandi til Gullveigar)

- GH: Jú, jújú það má segja það!

 

ENDIR

                                                   

 

 

 

 

 

Halló!

Þessi pistill á ekki að verða langur og því ætla ég að draga upp grófa mynd. Ég veit ekki betur en hún sé rétt þó gróf sé - ef öllu blaðri er sleppt.
 
Sjálfstæðismenn einkavæddu bankanna. Einhverjir hafa vælt yfir því að þeir hafi áður fyrr verið svo illa reknir af pólitíkusum að eitthvað hafi þurft að gera. En er ekki pólitíkusunum að kenna að pólitíkusar voru við stjórnvölinn?

Mér skilst að menn hafi fengið bankanna ódýrt. Breytir svo sem engu. Nú er niðurstaðan sú, skv. fréttum dagsins, að ÉG, Kári Viðarsson, skulda einhverjum dúddum í Hollandi EINA MILLJÓN! Ég einn og sér...og þetta er rétt að byrja! Bretar, Finnar og fleiri þjóðir eiga inni einhverja ógnvænlega tölu hjá bönkunum. Selja á einhverjar eignir upp í þetta en óljóst hvað það dugir langt.

Þetta er sérdeilis frábært. Glæsilegt. Stórkostlegur árangur. Einhver gaur á fyrirtæki (fær fyrirtæki frá ríkinu), fer á hausinn og ÉG skulda einhverjum gaurum EINA MILLJÓN! Er ekki allt í lagi???

Ég vil þakka sjálfstæðismönnum kærlega fyrir þetta. Takktakk. Æðislegt.

Jafnvel sjálfstæðismenn ráðast á Dabba núna. HAH! Núna??? Ertu að grínast? Það er mörgum árum of seint. Það liggur við að ég styðji kall-greyið núna. Hann virðist í alvöru vera miður sín yfir verðandi skuldum þjóðarinnar - og er reiður yfir því að einkaaðilar skyldu gera ákvörðun hans og Sjálfstæðisflokks um einkavæðingu bankanna að - ekki vondum - heldur SKELFILEGUM mistökum.

Ég segi því aftur - TAKK MILLJÓN SINNUM, EÐA MARGMILLJÓN SINNUM FYRIR ÞETTA! FRÁBÆRT HJÁ YKKUR!

Svo er bara X-D næst, þaekki? Er það ekki besta liðið eða...?

Bless!

Halló!

Ég ákvað að fylgjast með þessum ágæta Kompás-þætti enda spennandi umfjöllunarefni. Málið er nú að verða býsna spennandi og athyglisvert að sjá hversu vel málinu verði fylgt eftir. Ég segi spennandi...en vissulega mjög sorglegt.

Ég hef auðvitað ákveðna skoðun á málinu eins og væntanlega flestir sem eitthvað hafa fylgst með.

Að sjálfsögðu finnst mér það aldrei við hæfi að beita hnefarétti. Þeim sem finnst það í lagi geta allt eins skrifað undir það að glæpahópir megi vel vaða uppi og gera það sem þeim sýnist við allt og alla...þ.á.m. ÞIG.

Ég verð hins vegar að segja að mér finnst umfjöllun Kompás vægast sagt vafasöm. Þeir vinna þáttinn virðist vera eingöngu út frá sjónarhóli eins manns, þ.e. Ragnars. Vissulega má lesa það úr sumum atriðum í þættinum að Ragnar sé nú ekki alger engill og e.t.v. ekki alsaklaus í málinu. Þrátt fyrir það kemur Ragnar svo sannarlega fram í þættinum sem fórnarlambið að mest öllu leyti en Benni hinn skelfilegi handrukkari.

Eftir að hafa horft á myndbrot Kompáss óklippt og fylgst með öðrum fréttaflutningi af málinu fer mér og vafalaust fleirum að gruna að Ragnar sé ekki eins mikið fórnarlamb og virðist í fyrstu. Vissulega er maður á móti því að maðurinn sé beittur ofbeldi. Hins vegar grunar manni að Ragnar sé að nota Kompás og aðra fjölmiðla sem vopn í deilu sinni við Benna og einhverja aðra aðila.

Maður veit auðvitað svo sem ekki neitt og deilurnar eflaust flóknar og margslungnar. Mín niðurstaða er þó sú að þarna sé heildina á litið hópur manna sem hefur sinnast og deilurnar undið upp á sig. Ógæfa þeirra allra er voðaleg og hefur greinilega snúist upp í ofbeldi og skemmdarverk svo ekki sé minnst á þær sálarkvalir sem þeir reyna að magna  hver hjá öðrum með öllum ráðum.

Maður vonar bara að blessaðir mennirnir nái sér upp þessu sem fyrst.

Bless!

Halló!

Það er ekki hægt annað en blogga aðeins um handboltann! Þetta er afar skemmtilegt og ég veit ekki betur en jafnvel hörðustu anti-sportistar verði að viðurkenna það. Ég hef velt þessu svolítið fyrir mér og ég held að það sé fátt betra en að vera hluti af lítilli þjóð. Allt svona verður þá svo stórt. Þetta þjappar fólki saman (já frasi en satt!) og gefur fólki umræðuefni. Hefur þú talað um veðrið við einhvern nýlega? Nei, hélt ekki.

Mikil snilld. Ég er auðvitað byrjaður að kenna aftur eftir stutta sumarfríið mitt. Það er bara jákvætt. Vinnan göfgar manninn. Skrýtið en satt - maður nýtur frítímans sem maður hefur svolítið betur ef maður hefur ekki of mikið af honum...

Bless!

Halló!

Ég vaknaði í morgun eins og mjööög margir aðrir kl. 6. Þvílík hamingja! Ég var gersamlega að fara á límingunum.

Mér finnst Gummi Gumm þjálfari mega ganga um landið næstu mánuði og láta eins og kóngur. Hann ætti t.d. ekki að þurfa að taka miða í bankanum og þannig. Án þess að maður viti það alveg finnst manni eins og hann hafi verið sá eini af þónokkrum sem hreinlega ÞORÐI að taka að sér þetta verkefni. Gummi snilli. Stuð og spenna!

Ég get ekki annað en hrósað geðsjúklingnum sem er að lýsa frjálsu íþróttunum! Þetta er maður með áhuga! Að vísu algerlega óskiljanlegt en samt. Einhverjir snarruglaðir gaurar að hlaupa xmilljón hringi og gaurinn gersamlega TAPAR sér yfir þessu! Æpandi allan tímann og fleygir útúr sér þvílíkum tölfræðiupplýsingum um hitt og þetta í leiðinni. Mig grunar að hann kunni þetta allt utan að! Hann er ekki með nein blöð fyrir framan sig enda getur enginn lesið svona hratt. Snillingur...Svali frjálsu íþróttanna, engin spurning.

Snilld og áfram Ísland! Betra að sýna árangur í skipulögðum slagsmálum en engu!

Bless!

Halló!

Á mbl.is í dag, sunnudag, er frétt sem ber yfirskriftina ,,Mikil ölvun í miðborginni".

HA!?

Þetta getur ekki staðist. Er 1. apríl eða?

Ég veit ekki hvenær fréttamaður fór síðast niður í miðbæ á laugardagskvöldi. Ég hef amk. aldrei farið þangað á þessum tíma öðruvísi en orðið vitni að mikilli ölvun.

Þetta blæs manni byr í brjóst! Ég gæti orðið fréttamaður án vandræða. Hvað með frétt eins og ,,mikil umferð út úr bænum um verslunarmannahelgina". Kannski; ,,Endur og mávar á tjörninni". Eða bara; ,,Vatnið klárlega blautt".

Ekkert mál.

Bless!